Portuqaliya millisinin və İspaniyanın "Real” komandasının futbolçusu Cristiano ronaldo ata olub.

Bu barədə o, özünün mikrobloqunda məlumat verib.

Ronaldo oğlan atası olduğunu qeyd edib: "Uşağın anası ilə qarşılıqlı razılaşmamıza görə, körpə mənim himayəmdə olacaq. Uşağın anası anonim qalmaq istəyir. Bundan əlavə heç bir informasiya verməyəcəyəm. Xahiş edirəm ki, mənim və uşağın şəxsi həyat hüququna hörmət edəsiniz”.

Qeyd edək ki, Ronaldo evli deyil. Amma son məlumatlara görə, o, 24 yaşlı rusiyalı fotomodel İrina Şeykə evlənməyi təklif edib. Əsl soyadı Şeyxulislamova olan tatar fotomodel hazırda Fransada yaşayır və işləyir. İrina və Cristiano may ayında Korsikada bir yerdə dincəliblər. Bundan sonra Ronaldo onu valideynləri ilə tanış edib. Dünya çempionatı zamanı Ronaldonun barmağında nişan üzüyü olub.