Portuqaliyalı yarımmüdafiəçi futbolçu karyerasına atasının məşqçi işlədiyi Madeyranın "Andorina" klubunda başlayıb. İstedadı ilə seçilən balaca Ronaldo 12 yaşından etibarən Lissabonun "Sporting" klubunun uğurları üçün tər tökməyə başlayıb. 2004-cü ilin yayında isə yarımmüdafiəçi İngiltərənin "Mançester Yunayted" klubunun maraq dairəsinə düşür. Sonra "qırmızı şeytanlar"ın çalışdırıcısı Ser Aleks Ferqüssonun assistenti Karlos Keyruşun təkidi ilə Ronaldo qeydiyyatını Lissabondan Mançesterə dəyişir.Dünyanın ən tanınmış və ən varlı klubu bu oyunçunu öz sıralarına qatmaq üçün 12,2 milyon funt-sterlinqindən keçməli olub. 2007 və 2008-ci illərdə Ronaldo İngiltərənin ən yaxşı oyunçusu oldu. Bundan başqa o, Maçesterin heyətində İngiltərə və Çempionlar Liqasının da qalibi olmuşdur. Ronaldo, həmçinin, Portuqaliya yığmasında 2004-cü il Avropa çempionatında da 2-ci yeri qazandı. UEFA-nın açiqlamasına əsasən 2008-ci il Avropa çempionatında UEFA-nın ən yaxşı 11 oyunçusundan biri oldu.