Sevgi – həyatın sənə hazırladığı ən gözəl sürprizdir, buna görə də qəlbini nə vaxt ələ keçirəcəyi heç bəlli deyil... Sən vaxtını gözləyərkən o, çoxdan qapında dayanmışdır və sən qapını açmasanda, o pəncərədən içəri girəcək... Daha nə olduğunu başa düşmədən onun hökmranlığını qəbul edəcəksən və bundan da heç şikayətçi olmayacaqsan... Ən asi ruhlu insanlar belə onun qarşısında baş əyər, çünki üsyanı da, təslim olmağı da o, seçir... Sevginin vaxtını bilsəydik, kimə və niyə aşiq olduğumuzu başa düşsəydik, onun sirrini də aça bilərdik... Amma o zaman da sevginin insanı alıb götürən sehri tamam itərdi...
Sevgi - ən adi şəkildə anlatılan bir sözdür, adı elə özüdür... Onu anlatmaq üçün sonu olmayan cümlələr qurmağın mənası yoxdur... Bir tək "AŞİQ OLDUM” dediyin an axan sular da durar... Sevgidən qorxub qaçmaq heç kəsə yaraşmaz... Və yaşanılan sevgini günahlandırmaq, onu qaralamaq, inkar etmək də sevginin adına yaraşmaz... İnsan sonuna qədər yaşadığı eşqi, sevgini müdafiə etməlidir... Qarşılıq görməsə də, acı çəkdiyini hiss etsə də, sabah tərk ediləcəyini bilsə də...
Sevgi – həmişə hazırlıqsız yaxalayır insanı... Evli olmağın, sevgilinin olması, bir ayrılığın yaralarını hələ təzəlikcə sağaltmağa çalışmağın, bağlılıqdan qorxmağın, ailəndən çəkinməyin heç nəyi dəyişdirməz... Odur ki, SEVGİ bütün bunlara qarşı gələ bilmə cəsarətindir, bəlkə də yeni bir həyata gedən yoldur... O, bir dəfə gəldisə, artıq hər şey dəyişir, etdiklərində bir məntiq axtarmaq yersizdir... Çünki SEVMƏK özü bir dəlilikdir... Əgər elədirsə, ağlını tətilə göndərə bilərsən, sevgini yaşa, bir az dəlilik et, amma həyatını yaşa... Unutmaki, o, səni dəfələrlə tapdığı kimi, bir dəfə də tapa bilər... Sahib olduğun sevgi sənin son sevgin də ola bilər... Odur ki, onu ertələmə, yaşa, yaşaya bildiyin yerə qədər...
Sevgi– gedəcəyi zamanı da bəlli etməz... Onun çox vaxtı yoxdur... Sevgidən deyil, onun qaçmasından qorx və sonuna qədər müdafiə et... Sən o sevgiyə bir şey verməsən o da sənə heç nə verməz... Sən ona bir addım yaxınlaşmasan, o da sənə heç yaxınlaşmaz...
SEVGİ - HƏYATINDA SAHİB OLDUĞUN ƏN BÖYÜK DƏYƏRDİR...VƏ SEVGİ BU QƏDƏR SAXTALIĞIN İÇƏRİSİNDƏ GERÇƏK VƏ DOĞRU OLAN TƏK GÖZƏLLİKDİR...
 |
