Texnologiya, hər zaman söylədiyimiz kimi, iki üzü kəskin bıçaq kimidir. Diqqətli olmasaq, istifadə edənlərə ancaq zərər verər. Son illərin ən inkişaf etmiş texnologiyası İNTERNET də belədir. Bir çox faydalı texnologiya diqqətli istifadə olunmadığı zaman aradan qaldırılması mümkun olmayan saysız-hesabsız zərərlər verməkdədir. Bu zərərlərdən sadəcə biri olan çatlaşma üzərində dayanmaq istəyirəm. Bununla bağlı gördüyüm, eşitdiyim, oxuduğum bir çox narahat hadisələr meydana gəldi. Bir çox ailədə xoşbəxtliyə son qoydu, huzursuzluq yaratdı. Hətta çat üzündən ailəsi dağılanlar da oldu.
Çatlaşmaq günümüzdə bir növ adət halına gəlmişdir. Kişi saatlarca kompüterin qarşısında oturub, xanımını, övladlarını bir kənara qoyub başqa bir aləmdə gəzir. Xanımı ilə maraqlanmaq əvəzinə, onun can yoldaşı olmaq əvəzinə gedib başqaları ilə dostluq edir. Daha doğrusu, kompüterdəkilərlə.
"Bu etdiyin doğrudurmu?" soruşduğun zaman da:
"Mən faydalı olmaq, faydalı məsləhətlər etmək üçün bunu edirəm” deyir...
Sizcə bu gedişlə çoxmu belə hallara rast gələcəyik ?
