İlhamə Quliyeva yeni klipində dünya ulduzlarına bənzəyib - 22 Октября 2010

İlhamə Quliyevanın bir çox kliplərinin müəllifi rejissor Nail Naiboğlu sürpriz hazırlayıb.

Rejissor BigTac.Tk-ya açıqlamasında bildirib ki, hazırda Türkiyədə olan İlhamə Quliyeva bu sürprizdən xəbərsizdir.

Sürpriz Nail Naiboğlu tərəfindən ona çəkilən klip çarxıdır.

Nail Naiboğlu İlhamə xanımın 10 il əvvəl ifa etdiyi, hələ də sevilən, dillərdə gəzən sözləri və musiqisi Xanım İsmayıl qızına aid olan "Unut məni” adlı mahnısına klip hazırlayıb.
Çarxda Nail İlhamə xanım üçün çəkdiyi digər kliplərin görüntülərindən istifadə edib.
Nəzərinizə çatdıraq ki, bu cür klip çarxları dünyanın digər ulduzları üçün də çəkilib. Dünya şou-biznesində bu təcrübə çoxdan sınaqdan keçsə də, bizim yerli şou dünyasında bu, yenilikdir.

Dünya ulduzlarından Maykl Cekson, Madonna, Tarkan, Alla Puqaçova və digər məşhurların köhnə kliplərindən ibarət görüntülərdən klip çarxları yığılıb.

Bizim yerli şou-biznesində isə bu ənənəni Nail Naiboğlu davam etdirmək fikrindədir.