|
HAQQ YOLU
Ey insanlar!Unutmayın ki,dünya evi sizi axirətə aparan bir gəmi,axirət isə sizə vəd olunmuş əbədi məkandır.Bu gəmi sizdən əvvəlkiləri sizlə,sizləri isə sizdən sonra gələnlərlə biri-birinizə şahid tutaraq yola salacaq və bu yolda sizdən bəzilərinizə özünə qul,bəzilərinizin isə qulu olaraq kimə nicat,kimə isə əbədi əzab nəsib edəcək.Burada dünya nemətləri sizin üçün istifadəyə verilmiş və həqiqətən sizin kim olduğunuzu özünüzə sübut etmək üçün ayrılmış əmanətdir.Dünya qazancı nə mülklə,nə də xarici görünüşlə ölçülər.Özünüzü aldatmayın,Allah dərgahında bəyənilən və qəbul olunan qazanc savabdır.Bütün mülkiyyət Onundur və heç bir işdə şəriki yoxdur.İndi bunu görüb və bildiyiniz halda,sizdən əvvəlkiləri apardığı tərzdə də sizi aparacaqdır.Düşünün və ağlınızı başiniza yığın.Allah ağıllıları sevər və onları düz yola hidayət edər.Tövbə edin və çirkin əməllərdən əl çəkin;bu həm sizin,həm də sizdən sonar gələn nəsliniz üçün bir işıq yoludur.Haqq yolunun rəhbəri Allah,yolçuları isə möminlərdir.Haqq yolu ALLAH dərgahına gedən bir yoldur.Bu yola arxa çevirənlər özlərinə zülm edənlər,Onun huzuruna arxaları üstə sürüklənəcək və insanlara qarşı ədalətsizlik,haqsizlığa görə hesabat verəcəklər.
|
