"Donuz qripi”nin əlamətləri

Virus nəfəs vasitəsi ilə burun və boğazdan ciyərlərə keçir.
Uzun müddət dünyanı səksəkədə saxlayan, "donuz qripi” adı ilə tanınan AH1N1 virusu Azərbaycanda da tapılıb. Artıq Bakı və Gəncə şəhərlərinin hər birində bir sakinin bu virusa yoluxduğunu Səhiyyə Nazirliyi də təsdiqləyib.
Bəs, "donuz qripi”nin əlamətləri nədir? Bu virus özünü hansı formada göstərir?
Səhiyyə Nazirliyinin Taun Əleyhinə Stansiyasının direktor müavini Şair Qurbanov virusun əlamətlərini belə sıralayır:

- yüksək hərarət;

- öskürmə;

- boğaz və baş ağrıları;

- halsızlıq;

- qusma.

Ş.Qurbanovun sözlərinə görə, bu əlamətlər virusa yoluxduqdan 3 və ya 5 gün sonra özünü büruzə verir.

Şair Qurbanov deyib ki, virus nəfəs vasitəsi ilə burun və boğazdan ciyərlərə keçir. Bu səbəbdən virusdan qorunmaq üçün gigiyenik qaydalara əməl etmək, çoxlu miqdarda su qəbul etmək, meyvə şirələri və duru yeməklərdən bacardıqca çox istifadə etmək məsləhət görülür.

 

 

 

 

Aşağıda sadalanan qidalar xəstəliyin qarşısının alınmasında əhəmiyyətli hesab edilir. Dünyada sürətlə yayılan "donuz qripi” artıq təhlükəli vəziyyət alıb. Artıq dünyada 5 mindən artıq insan bu xəstəliyin qurbanı olub. Minlərlə insan bu xəstəliyin daşıyıcısıdır. Alimlər qripə qarşı peyvənd olunana kimi qəbul ediləcək qidaya nəzarət etməklə xəstələnmək riskini minimuma endirməyi tövsiyə edirlər. Aşağıdakı qidalardan istifadə etməklə immuniteti gücləndirmək mümkündür: Qırmızı bibər - portağalda olan C vitaminin iki qatı var. Bu vitamin qripin təsirinin 80 faizə qədər azalda bilər. Qatıq – tərkibində bağırsaqdakı mikroblarla mübarizədə effektiv nəticə verən maddələr var. Yaşıl çay - gündə ən azı üç stəkan içmək məsləhət görülür. Badam - xəstəliklərə qarşı təsirli olan E vitamini ilə zəngindir. Qripdən qorunmaq üçün gündə 24 badam yemək tövsiyə edilir. Təzə kartof – qripdən qorunma özəlliyi var. Bədəndə A vitamininə çevrilir və xəstəliyin müalicəsində əhəmiyyətli rol oynayır. Toyuq suyunda şorba - boğaz ağrısı və öskürəyi azaldır. Sarımsaq - qripə yoluxma riskini 2,5 faiz azaldır və virusu öldürmə özəlliyi var. Təzə sarımsaq daha təsirlidir. Soğan - təbii antibiotiklər mənbəyidir. Zəncəfil - tərkibindəki "gingerol” maddəsi bütün infeksiyanı uzaqlaşdırır. Xüsusilə zəncəfil çayı. Qoz - bu qida nəinki soyuqdəyməyə və qripə, həmçinin xərçəngə qarşı mübarizədə yaxşı vasitəsidir. Bal - təbii antibakterial xüsusiyyətə sahibdir. Çaya və ya yoqurta qatılaraq qəbulu təsirini daha da artırır. Yulaf - E və B vitamini var. Bədən xəstəliklərinə qarşı immuniteti gücləndirir. Alma - alimlər müntəzəm olaraq alma yeyənlərdə qripə yoluxma risqinin azaldığını müəyyənləşdiriblər. Günlük C vitamini ehtiyacının 25 faizini təmin edir. Qırmızı ət - immuniteti gücləndirmək üçün bu qidanın qəbulu vacibdir. Yetkin insanlar gün ərzində 40-60 qram ət yeməlidirlər. Balıq - omeqa 3 vitaminini artıraraq qrip və buna bənzər infeksiyaları kənarlaşdırır. Həftədə ən azı 2 dəfə qəbulu məsləhətdir.