"Bugatti” şirkəti Cenevrə avtosalonunda martın əvvəlində baxışa çıxardığı "16C Galibier” modelinə həftə sonu Cenevrədə yenidən təqdimat keçirdi.
Lent.az-ın xəbərinə görə, bu təqdimat məhdud qrup üçün nəzərdə tutulmuşdu. Tədbirdə "Volkswagen” qrupunun, "Bugatti”nin və bir neçə təchizatçı firmanın nümayəndəsi iştirak edib.
Ata və oğul Buqattilərin daim sadiq qaldıqları deviz bu tədbirdə bir daha təkrarlandı – Sənət, forma və texnika.
Qeyd edək ki, avtomobilin 16 silindrli 8 litrlik mühərriki 2 kompressorla təchiz edilib. Xüsusi konstruksiya sayəsində avtomobil həm də etanolla işləyə bilir. Spidometrin ortaya yerləşdirilməsi sayəsində arxada oturanlar da hər an avtomobilin hası sürətlə hərəkət etdiyini görə bilirlər.
Fotolar "audipassion.com” saytından götürülüb
Mənbə: Lent.az
|
