Главная » 2010 » Октябрь » 9 » Azərbaycan millisindən növbəti biabırçı məğlubiyyət
10:36
Azərbaycan millisindən növbəti biabırçı məğlubiyyət
ff
Vyana şəhərindəki "Ernst Happel” stadionunda baş tutan qarşılaşmada
hesab elə 3-cü dəqiqədə açılıb. Sebastyan Prödl künc zərbəsindən sonra
başla qapıdan keçirib. Bundan 3 dəqiqə sonra Elnur Allahverdiyev cari
seçmə tsikldə millimizin ilk sarı vərəqəsinin müəllifi olub. İlk yarı
elə meydan sahiblərinin minimal üstünlüyü ilə yekunlaşıb.
Fasilədən sonra fəallığı daha da artıran avstriyalılar 53-cü dəqiqədə
ikinci qolu vurublar. Bu dəfə təqribən 16 metrlik məsafədən dəqiq zərbə
ilə Marko Arnautoviç fərqlənib. Oyunda son nöqtəni də Arnautoviç qoyub.
O, əsas vaxta əlavə olunmuş 2-ci dəqiqədə türk əsilli Vəli Kavlakın
ötürməsindən sonra təkbətək qaldığı qapıçı Kamran Ağayevi məyus edib.
Millimiz qarşılaşma boyunca ən real qol imkanını 73-cü dəqiqədə əldə
edib. Rauf Əliyev rəqibin cərimə meydançasına daxil olduqdan sonra
Prödllə mübarizədə yerə yıxılsa da, hakim matçı davam etdirib. O,
penalti nöqtəsini yox, Əliyevə sarı vərəqə göstərib. Zəif oyuna
baxmayaraq, baş məşqçi Berti Foqts qarşılaşma boyunca cəmi 2
əvəzləmədən yararlanıb. O, 59-cu dəqiqədə Elvin Məmmədovun əvəzinə
Vüqar Nadirovu meydançaya buraxıb. 75-ci dəqiqədə isə Vaqif Cavadovun
yerinə Rəşad Sadiqov oyuna daxil olub.
Görüşdən sonra keçirilən mətbuat konfransında yığmamızın baş məşqçisi
Berti Foqts Avstriya millisini layiqli qələbə münasibətilə təbrik edib:
"Rəqibi təbrik edirəm. Avstriya yığması layiqli qələbə qazandı.
Müdafiədəki səhvlərimizdən istifadə edib, qol vurdular. Bilirdik ki,
meydan sahibləri standart vəziyyətlərdən fərqlənməyi bacarırlar. Hesabı
erkən açdılar, ikinci qolu isə hücuma atılanda buraxdıq. Mən öz
komandama inanıram. Bizim də qol vurmaq üçün imkanlarımız oldu. Amma
bunu bacarmadıq”.
Almaniyalı mütəxəssis penalti epizodu haqda danışmaq istəmədiyini də
əlavə edib. O, Cavadovu ayağında yüngül ağrıları olduğu üçün
əvəzlədiyini bildirib: "4 gün sonra Türkiyəyə qarşı oynayacağıq. Buna
görə də onu əvəzlədim”.
Foqtsun rəqib həmkarı Ditmar Konstantini isə qələbə qazandıqları üçün
çox sevindiyini söyləyib. Onun fikrincə, yığmamıza qarşı çox güclü
oynamaq lazım idi: "Çünki onlar elə düşünürdülər ki, bizə qalib
gələcəklər. Oyuna yaxşı başladıq. Bunun da nəticəsində erkən qol
vurduq. Azərbaycan millisi qol vura bilsəydi, daha yaxşı oynayardı.
Amma biz buna imkan vermədik”.
Qeyd edək ki, bu nəticədən sonra millimiz 6 komandanın yer aldığı A
qrupunda sonuncu pilləyə yuvarlanıb. Bundan öncə yığmamız səfərdə
Almaniyaya yenilib – 1:6. Avstriya isə 2 oyundan maksimum xalla 2-ci
pilləyə yüksəlib. 3-cü oyununu da Türkiyə üzərində 3:0 hesablı qələbə
ilə başa vuran Almaniya qrupda vahid liderə çevrilib. Belçika isə ilk
qələbəsini Qazaxıstan üzərində qazanıb. Hazırda bu qrupda yalnız
Qazaxıstan və Azərbaycan xalsızdırVyana şəhərindəki "Ernst Happel” stadionunda baş tutan qarşılaşmada
hesab elə 3-cü dəqiqədə açılıb. Sebastyan Prödl künc zərbəsindən sonra
başla qapıdan keçirib. Bundan 3 dəqiqə sonra Elnur Allahverdiyev cari
seçmə tsikldə millimizin ilk sarı vərəqəsinin müəllifi olub. İlk yarı
elə meydan sahiblərinin minimal üstünlüyü ilə yekunlaşıb.
Fasilədən sonra fəallığı daha da artıran avstriyalılar 53-cü dəqiqədə
ikinci qolu vurublar. Bu dəfə təqribən 16 metrlik məsafədən dəqiq zərbə
ilə Marko Arnautoviç fərqlənib. Oyunda son nöqtəni də Arnautoviç qoyub.
O, əsas vaxta əlavə olunmuş 2-ci dəqiqədə türk əsilli Vəli Kavlakın
ötürməsindən sonra təkbətək qaldığı qapıçı Kamran Ağayevi məyus edib.
Millimiz qarşılaşma boyunca ən real qol imkanını 73-cü dəqiqədə əldə
edib. Rauf Əliyev rəqibin cərimə meydançasına daxil olduqdan sonra
Prödllə mübarizədə yerə yıxılsa da, hakim matçı davam etdirib. O,
penalti nöqtəsini yox, Əliyevə sarı vərəqə göstərib. Zəif oyuna
baxmayaraq, baş məşqçi Berti Foqts qarşılaşma boyunca cəmi 2
əvəzləmədən yararlanıb. O, 59-cu dəqiqədə Elvin Məmmədovun əvəzinə
Vüqar Nadirovu meydançaya buraxıb. 75-ci dəqiqədə isə Vaqif Cavadovun
yerinə Rəşad Sadiqov oyuna daxil olub.
Görüşdən sonra keçirilən mətbuat konfransında yığmamızın baş məşqçisi
Berti Foqts Avstriya millisini layiqli qələbə münasibətilə təbrik edib:
"Rəqibi təbrik edirəm. Avstriya yığması layiqli qələbə qazandı.
Müdafiədəki səhvlərimizdən istifadə edib, qol vurdular. Bilirdik ki,
meydan sahibləri standart vəziyyətlərdən fərqlənməyi bacarırlar. Hesabı
erkən açdılar, ikinci qolu isə hücuma atılanda buraxdıq. Mən öz
komandama inanıram. Bizim də qol vurmaq üçün imkanlarımız oldu. Amma
bunu bacarmadıq”.
Almaniyalı mütəxəssis penalti epizodu haqda danışmaq istəmədiyini də
əlavə edib. O, Cavadovu ayağında yüngül ağrıları olduğu üçün
əvəzlədiyini bildirib: "4 gün sonra Türkiyəyə qarşı oynayacağıq. Buna
görə də onu əvəzlədim”.
Foqtsun rəqib həmkarı Ditmar Konstantini isə qələbə qazandıqları üçün
çox sevindiyini söyləyib. Onun fikrincə, yığmamıza qarşı çox güclü
oynamaq lazım idi: "Çünki onlar elə düşünürdülər ki, bizə qalib
gələcəklər. Oyuna yaxşı başladıq. Bunun da nəticəsində erkən qol
vurduq. Azərbaycan millisi qol vura bilsəydi, daha yaxşı oynayardı.
Amma biz buna imkan vermədik”.
Qeyd edək ki, bu nəticədən sonra millimiz 6 komandanın yer aldığı A
qrupunda sonuncu pilləyə yuvarlanıb. Bundan öncə yığmamız səfərdə
Almaniyaya yenilib – 1:6. Avstriya isə 2 oyundan maksimum xalla 2-ci
pilləyə yüksəlib. 3-cü oyununu da Türkiyə üzərində 3:0 hesablı qələbə
ilə başa vuran Almaniya qrupda vahid liderə çevrilib. Belçika isə ilk
qələbəsini Qazaxıstan üzərində qazanıb. Hazırda bu qrupda yalnız
Qazaxıstan və Azərbaycan xalsızdır