|
Əgər üzünüzün dərisinin həmişə təravətli olmasını istəyirsinizsə, çoxlu çiy tərəvəz və tərəvəzli xörəklər yeyin. Həmçinin meyvə və tərəvəz vasitəsilə orqanizm külli miqdarda vitaminlər, qlükozidlər, mineral duzlar və s. qiymətli maddələr alır. Onu da qeyd etmək lazımdır ki, bədəndə bu maddələrin çatışmaması ağır xəstəliklərə səbəb ola bilər. Məsələn, «A» vitamini çatışmadıqda, dəri quru və kobud olur, elastikliyini itirir, əllərin və ayaqların dərisi yarılır, tez zədələnir və s.
«A» vitamini – yerkökü, qovun, pomidor, ispanaq, göy noxud, ərik, həmçinin balıq yağı, kəsmik, qaraciyər və yumurtada olur.
Tərkibində «A» vitamini olan ərzaq məhsulları işıqlı yerdə saxlanılmamalı və çox isti su ilə yuyulmamalıdır.
«B» qrupu vitaminlərinin orqanizmdə çatışmaması saçların tökülməsinə və gec böyüməsinə, dəridə müxtəlif xəstəliklərin əmələ gəlməsinə səbəb olur.
«B» vitamini – süddə, qara çörəkdə, qozda, göbələkdə, xüsusilə, mayada, qaraciyərdə, pendirdə, tərəvəzdə daha çox olur.
Zədələnmiş dərinin bərpasında, üzə ləkə düşdükdə və eləcə də, qocalmanın qarşısının alınmasında «S» vitaminindən geniş istifadə edilir.
«S» vitamini – qarağatda, kartofda, duzlu kələmdə, limonda, həmçinin göyərtidə, meyvə və giləmeyvələrdə də çox təsadüf olunur.
Tərkibində «S» vitamini olan məhsullardan hazırlanmış xörək süfrəyə verilən vaxt bişirilsə, daha yaxşı olar.
|
 |
